Omong

Omongne kadi crukcuk punyah
Sing makecap ban uyah
Makejang dadi matah
kemu mai matingkah Sing nawang peteng lemah



Jelema jani dueg ngomong
Cenik kelih dueg ngomong
Jelemane wayah ban omong
Omongne maduegin omong

Da bes liunan omong
Da ngawag-ngawag ngomong
Jele melah ulian omong
Sengsara ulian omong
Men sing dot mati da ngomong
Uling jani melahang ngomong
Solahe adungang teken omong
Krana makejang ulian omong

Sutrima Dewi